Mite Tana Malsawmna

‘Nang malsawmna ni ang che’ -Genesis 12:2

Chhungkaw pahnih an awm a. Chhungkaw pakhatna te chuan an neih ang ang te chu mite tan phalloh an nei lo emaw tih mai turin an thilphal a, an in a lawi lut apiangte chu tlai leh puar takin an haw leh thin a; miten an mamawh ngawih ngawih avanga an thil hman an dilin an ui ngai lova, an hnena tanpuina diltu chu a thlawnin an haw tir ngai hek lo. Anmahni eikhawp leh khawsakna khawp an neih chuan an lungawi tawk em em a ni. Chhungkaw dang leh chu, midangte an huphurh vang em em pawh ni hran lovin, an neih ang ang chu an chhungkaw tan a tawk tei tawi viauin an hria a, midangte an pek ve chuan an indaih lovang a, a hma a an neih ang pawh nei pha lovin an mualpho ang tih an hlau a. An hnena tanpuina diltute pawh tawngkam mawi takin an hnar mai thin. Riltam luat vanga thihna em chu an chungah a thlen ring lo mahsela, mi tanpuina dil hial khawpa mualpho an hlau miau si a.

MHIP Day

MHIP Day ni mahse, kan chawl ve hlei thei si lova, MHIP chuan an day lawmna neiin RHSS field-ah an pungkhawm a, keini erawh kan hna ngai kan ti malh malh reng mai a nih hi. Tlai lamah phei chuan Football League an chhunzawm lehnghal, en a chakawm ve thei thin khawp mai

Vawiin hian thil thiam thar ka ngah khawp mai, ka duh ang erawh chuan ka la thiam tawk lo hle. ka ti rei tawh sia, thil dang kan ti ve tawh mai ang e.

Khaw chin

Vawiin chu khua a cheng nileng thak mai, mahse power supply awm tha a, hna pawh a thawh theih viau e. mak ve deuh chu broadband hi ruahsur hian a chhe deuh zel sia, vawiin chu tha ve teh tlat a. boruak pawh a nuam thawkhat viau e.

Fam

Kan Veng pa Pu K.Zakaria chu kan chan ta, Cancer natna avangin hun rei tak chhung inenkawlin tukin zing khan chatuan ram min pansan ta a ni. Vengchhung miten kan ui hle a, a kalsan tak a chhungte kan tuarpui takzet a ni.

Blog thar hawnni

Vawiin June 29, 2009 tlai dar 4:30 hian blog thar ka hawng ve a, thenrual tha leh chhungkhat laina ten khuareiah an la chhawr mial mahna, ka subject tui zawng te thun nan leh chhungkaw chanchin dah nan te pawh a tha phian ta ve ang.

Thlalak ve tawp